給我的情人.....法式鹹派 Quiche

情人節都唔一定做甜品先應節。若然情人喜歡鹹點，做個鹹批都唔錯。
朋友給的食譜，試做左一次，稍稍改良，終於符合我情人的口味。:D
做法簡單，成功率高，而且可容易因應個人口味改動材料，讚！

法式鹹派 Quiche

批皮材料（一個6吋批）
牛油	50g
麵粉	100g
鹽	少許
蛋黃	1
冰水	20g

1.     預熱焗爐190度C。

2.     牛油切粒，用手指把牛油與麵粉、鹽混合捏成粉粒。

3.     加入蛋黃及冰水與粉粒混合。

4.     把麵團包好雪藏半小時。

5.     從雪櫃取出後盡快桿開。

6.     把批皮蓋上批模並貼緊，用叉在批底上刺些氣孔。

7.     用190度C焗大約15分鐘至批皮成金黃色。

餡料
蛋	2隻
芝士	適量＊
雞肉	適量＊
幼露筍	適量＊
淡忌廉	40g
牛奶	30g
鹽，胡椒粉	適量

1.     把雞肉，幼露筍煮熟。（炒的話比較香，想健康的話水煮也可以。）

2.     把蛋，淡忌廉和牛奶攪勻，加鹽及胡椒粉調味。

3.     先放雞肉及露筍於已焗之批皮上，再加入芝士並倒入蛋漿。

4.     用190度C焗大約20分鐘至金黃色。

*餡料及分量可依喜好改變，例如煙肉，什菌等等。

[推到PLURK]

二零一三癸巳年

桃花塢里桃花庵，桃花庵下桃花仙；桃花仙人種桃樹，又摘桃花換酒錢。

酒醒隻在花前坐，酒醉還來花下眠；半醒半醉日復日，花落花開年復年。

但願老死花酒間，不願鞠躬車馬前。

[推到PLURK]

100問（中途結算篇）

終於完成左一半～YEAH~

1.昨天晚上幾點睡覺?  4am
2.今天早上幾點起床?  10am
3.起床之後做的第一件事是什麼?  睜開眼，坐起身，落床
4.到出門為止所需的時間是多少?  趕時間的話15分鐘內ok
5.今天吃的第一餐是什麼?  蛋撻
6.今天身上帶了多少錢?  現金hkd 2X
7.今天的私服是?  黑白間T-shirt，啡色長褲，深藍色大褸
8.今天包包內帶了什麼?  散子包，紙巾，橡筋
9.今天的心情若以天氣來形容的話  有微風，間中有雲，和暖的晴天
10.最近買了什麼?  FOX硬糖spring tea口味
11.最近因為什麼事而笑了?  一張親戚低炒影既相
12.最近因為什麼事而哭了?  聽歌／睇戲／笑到喊（唔係好記得）[更新為：睇神曲《忐忑》MV的時候]
13.最近因為什麼事而生氣?  我妹掃左我隻mouse落地，個口爆開左又唔整返好佢
14.最近因為什麼事而感到驚訝?  聽眾打去電台講自己反對「性傾向歧視條例」立法的原因，完全令人O嘴
15.最近因為什麼而心跳加速?  行樓梯
16.最近感到興奮的事?  整餅
17.最近因為什麼事而消沉?  買唔到bigbang演唱會飛
18.最近感到困擾的事?  口裡的菲滋
19.最近有什麼事失敗了?  焗心太軟焗太久了
20.最近在意的新聞?  施政報告？當電視電台報紙都講緊都好難唔在意
21.最近的My boom?  追看神話綜藝＋新聞
22.最近在意的家電是?  想要吸力強又靜既吸塵機
23.最近用手機拍了什麼照片?  好味既大蝦意粉
24.除了通話、簡訊之外還會使用手機的什麼機能?  漸漸叫唔醒我既鬧鐘
25.用什麼手機吊飾?  LED Lego, 蚊香型貓咪老師同朋友送既O型人仔
26.簡訊一天大概幾通?  不定，有人send就會覆
27.現在最想要的東西?  錢？哈哈
28.現在最想見的人  周公
29.現在最想去的地方  讓我發夢的地方
30.說到夏天的話?  冰！！大好きです！
31.喜歡夏天嗎?  還可以
32.是海派?還是泳池派?  海～～
33.在夏季祭典中喜歡的食物是什麼?  冰！！
34.刨冰喜歡什麼口味?  無味
35.暑假作業是那種會在一開始就做完的類型嗎?  睇心情
36.孩提時期，喜歡什麼遊戲?  砌lego
37.如果還是學生的話，會想要嘗試什麼打工呢?  製作漢堡包
38.如果可以有這種超能力就好了?  可以同所有動物溝通（不包括昆蟲）
39.在家裡是被怎樣叫的?  直接叫名（中／英）
40.喜歡的男孩子的類型是?  唔清楚
41.如果交往的話每天都會想見面嗎?  大概不會
42.交往的話，每天都想要互相連絡?  唔一定
43.是簡訊派?還是電話派?  簡訊
44.理想的約會是想到外面去玩嗎? 還是在家裡度過?  只要係同一個空間既話地點無所謂
45.約會的集合時間快來不及了，會怎麼辦?  先通知對方然後盡快趕到
46.戀愛的話，會有改變嗎?  細改可能有，大改應該唔會lol
47.戀愛所必需的要件?  consideration
48.想為喜歡的人做的事?  唔違背自己又可以令佢開心既事
49.會在意喜歡的人過去的戀情嗎?  完全不會在意，可能會好奇八卦下XD
50.有失戀過嗎?  全然ない、あり得ない :P

[推到PLURK]

冬天的音樂

朋友送既生日禮物 ﹣CDs

Leessang - Unplugged
盧廣仲 - 有吉他的流行歌曲
G-Dragon - One of a Kind
Shin hyesung - Winter Poetry

先謝過朋友～ 多謝，謝謝，Thank you，ありがとう！

四隻碟都鍾意（所以先俾依個list朋友去買 :P）


聽歌既時候，唔一定每隻碟每隻歌，但總係有d歌會令我聯想起另外一d野，例如一種特定情況，例如某個故事橋段，又例如季節。Shin hyesung既Winter Poetry就令我感覺好冬天。平時比較少聽抒情慢歌，櫃中慢歌為主既碟僅有蘇打綠，林宥嘉，2am同依隻winter poetry。hyesung既聲線真係好適合依隻碟既歌，好soothing既感覺。個人喜好既話係track 5，哈哈，部分原因應該係節奏方面依隻碟入面算偏快XD track 4係「派台作品」，印象深刻個mv係咁轉，隻歌感覺唔止冬天，仲好聖誕。另外要提track 8 同track 1，兩隻都係純音樂。track 8作為完結，track 1作為開頭，各司其職，但係連接起黎聽都好順。（我習慣同一隻碟loop黎聽，所以最後條track完會去返track 1。)特別鍾意口琴既部分，訪問中hyesung有提及去搵Hareem擔任口琴吹奏部分，good job！

Solo活動既申彗星不同於神話放送中放下自我既鄭弼教。不作其他演戲之類既挑戰，只專注於自己能做好既音樂，好帥喔，申學長！

[推到PLURK]

神放改版了～

先貼張偶吧們既相～

改版後～ 隱密的課外

《神話放送》第一次改版！不再以不同電視頻道為主題，而改叫做「隱密的課外」。每次會請不同領域既高手係節目中介紹同分享該領域既秘訣，然後神話成員向高手學習後要互相比拼，最後由高手選出「愛徒」。有網民認為改版前比較好笑，不過都能夠明白製作team既用心。改版前比較純娛樂性質，主要睇成員間打打鬧鬧；而改版後應該係希望增加實質既內容去吸引多d唔同階層年齡既觀眾。而我都幾認同依種改變，唔單單係吸納觀眾依個利己既方面去睇，而係同時觀眾能夠透過節目去得到一d知識，互惠互利。以fans既角度睇，成員各自solo活動既繁忙日程加上韓國天氣轉冷等既因素，改版後既室內拍攝模式亦對成員造成少d負擔，fans安心（笑）～ 另外放送時間亦由星期六晚改為星期日晚，希望可以對收視帶黎幫助。

第一期課外內容係風摩韓國既手機遊戲 ﹣Anipang。前幾期神放中已經見到special stupid(XD)同文大大係度玩，估唔到咁快就被拎黎做節目內容。素聞有幾名神話成員沉迷打機，所以李小D打到幾十萬分完全係意料之內。驚喜既係烔漏洞原來連打機都係漏洞，就算係第一次玩，反應都未免真係太慢啦！居然可以望住周圍都有動物可以連既畫面大叫睇唔到？！真羨慕最後獲得愛徒稱號既成員，我都想要100個心呀............

講左咁多，順便都介紹下Anipang係咩啦，其實即係我地既寶石方塊，不過寶石變成動物，將3個或以上連成一線既時候，d動物就會怪叫然後消走。比賽模式當然係限時內鬥高分啦，想知道有咩秘訣？快d去睇改版後既《神話放送》！！！

我的紀錄～ 順帶一提，哥們有d只有5位數分數，呵呵～

[推到PLURK]

神話放送

最近好熱衷於追睇一個韓國綜藝節目：神話放送。鄭重推介俾想輕鬆笑下既朋友！

由三月開始係 jtbc台 開播！不以單一題材為主，《神話放送》參考電視台「放送」模式，每一／兩集為一個單元圍繞特定主題作為節目內容，例如SF、體育、兒童、旅行頻道等。綜藝節目的另一賣點就是主持群。《神話放送》故名思義係以韓國一代偶像組合＜神話＞為主角而製作，配合佢地自2008年暫休四年後comeback之作。


一開始既時候其實無特別留意依個節目，只不過因為睇開既強心臟同兩日一夜都換季（換主持），所以搵其他綜藝睇下。加上本人於「神話」當紅既年代只係流著歐美Rock&Roll魂，完全唔知佢地六個係邊個。睇第一集SF頻道仲未知道佢地扮晒英雄周街走係完全「放下自我」出演久未露面既綜藝！睇到佢地不斷答錯問題被彈落泳池果下淨係識笑到拍晒檯！！！異色奧運會既時候又係完全不顧形象，唔理會被「終生截圖」，用超越體育精神既「鬪魂」去比賽。頭兩期都係走搞笑路線，點知到第三期人間劇場轉為紀實頻道，拍攝佢地平日工作既時候，特別果段時間準備開十四周年暨回歸演唱會。內容除左有個人自拍搞怪外，仲感覺好真摰，特別係講到成員係演唱會上受傷。正正因為依集既內容而開始留意＜神話＞依個組合。補睇返佢地今年出演既其他綜藝，知道多左佢地既經歷，更加陷入佢地既魅力當中。後來一直每星期追睇神話放送：小雞人氣王，家族娛樂館，口才之神，VS Shinee，MT之神，教室之神，神話的品格，神話誕生，最棒的朋友；每期不同既題材令觀眾快速感受到神話成員的各個面貌。最近發現自己已經深陷其中，除左會先睇jtbc app既直播再睇當晚在線無字版再睇火速更新中字版依個睇3次行為外，仲因為史劇奧運會中佢地食「春醬海螺包」而走去買吉士號角包黎食。一向唔太嗜甜既我今年食左既吉士號角包應該係前幾年既總和，真係完全中晒毒！

雖然＜神話＞係第一個不以音樂令我身陷其中既歌手，不過有搵返佢地既音樂，除左新專10輯既歌之外，舊歌都幾唔錯。最近聽左Yo! (visual rock白面烔完好突破XD）都幾鍾意，能夠係演藝圈同樂壇立足十四年不單單係因為努力出演綜藝拍劇拍電影，本身音樂同舞蹈都能夠吸引人都係其中一個因素。期待接住落黎既節目內容，亦會留意成員solo作品同下一張音樂專輯！好希望《神話放送》能夠長做長有，收視節節上升！最後既然唔怕被終生截圖，當然要post下d圖，唔好白費佢地既努力！ LOL

（李小D選手憑此表情獲得是項比賽金牌！）

[推到PLURK]

Archery on Sunday

所謂儒家六藝：禮樂射御書數，當中現代最少機會接觸當然係「射」（唔計FPS Game :P)。今個月好難得，係朋友安排好報名事宜下參加左一個月射箭課程。每個星期日一大早起身去到薄扶林，七月八月全身包實企係大太陽底下幾個鐘，出既汗應該多過做高溫瑜珈！除左熱同早起身之外，依個課程都幾好玩。4堂課由咩都唔識到射中個10m靶，都幾有成功感！XD

4堂課程完結後可以入會繼續去玩甚至參加比賽等等。以後如果有機會而情況又許可下都想繼續玩，依項運動雖然好似對體能無咩要求，但實際上係考驗對不同肌肉既控制同頭腦既配合，十分適合體能肥佬既我（笑）。

有興趣既朋友可以參考以下網站。

[推到PLURK]

很久以來的更新...

因為朋友推薦而申請了噗浪，而噗浪又可以連結來blogger，因而造就了這次久違了的更新。順便也更新了下面的圖﹣﹣﹣﹣﹣＞萌菌リターンズ(returns)!!!! 看了簡介，這次故事應該會到漫畫剛好漢化中止的地方﹣法國篇。要是有誰知道哪有後面的漢化漫畫，請大發慈悲告訴小的吧... 我可再受不了每三個對話框就翻一次字典的56k閱讀速度了OTL

然後..... 言歸正傳...... 嗯............. 總之就更新了～

[推到PLURK]